CONGRATULATIONS

«2024 жылғы Жоғары оқу орнының үздік оқытушысы» байқауының жеңімпаздары белгілі болды. Бұл байқауда еліміздің 38 жоғары оқу орнының 150 оқытушысы жеңімпаз атанды.  Жеңімпаздар қатарында  Жұбанов университетінің оқытушылары техникалық ғылымдар кандидаты, қауымдастырылған профессор, «Металлургия және тау-кен ісі» кафедрасының доценті Өтеген Сариев, PhD, «Металлургия және тау-кен ісі» кафедрасының доценті Даурен Есенгалиев, PhD, қауымдастырылған профессор «Металлургия және тау-кен ісі» кафедрасының доценті Ербол Шабанов, тарих және дінтану кафедрасының меңгерушісі, тарих ғылымдарының докторы, профессор Гүлбану …

Жұбанов университетінің 4 оқытушысы Қазақстан Республикасы Ғылым және жоғары білім министрлігінің 2024 жылға арналған ғылым саласындағы сыйлықтарға және мемлекеттік ғылыми стипендияларға үміткерлерді іріктеу конкурсында жеңімпаз атанды.  Атап айтсақ, гуманитарлық бағыттағы жас ғалымдарға арналған М. Әуезов атындағы сыйлықтың иегері — Гүльжана Кузембаева, «Ағылшын және неміс тілдері» кафедрасының доценті, PhD, қауымдастырылған профессор. Ғылыми стипендияның иегері — Күлзат Садирова, «Теориялық және қолданбалы тіл білімі» кафедрасы, профессор, филология ғылымдарының докторы. Жас ғалымдарға арналған стипендиялардың …

Жұбанов университетінің "Филология" білім беру бағдарламасының 1 курс магистранты Әлихан Жақсылық "Әдебиет" номинациясы бойынша "Дарын" мемлекеттік жастар сыйлығын иеленді. Бұл беделді марапат жыл сайын ғылым, шығармашылық, спорт, қоғамдық қызмет және өзге де салаларда ерекше табыстарға қол жеткізген талантты жастарға табысталады. Әлихан ұлттық әдебиетті дамытуға қосқан үлесімен ерекшеленіп, шығармашылық әлеуетін дәлелдеді. Әлихан Жақсылықты жоғары дәрежелі мемлекеттік марапатымен құттықтап, шығармашылық шабыт тілейміз!

«СНПС-Ақтөбемұнайгаз» акционерлік қоғамындағы «Халықаралық «Қазақ тілі» қоғамы» бастауыш ұйымы Ақтөбе облысының тілдерді дамыту басқармасымен бірлесіп «Халық қазынасы» байқауын өткізді. Аталмыш байқауда «Жұбановшылар» командасы жүлделі бірінші орынды жеңіп алып, 500 000 теңге көлеміндегі сертификат иеленді. Байқау үш кезеңнен тұрды. Жеребе арқылы таңдалған шығарма бойынша көрініс қою, берілген тақырыпты аша отырып, бейнеролик түсіру және сұрақтарға жауап беру. Үш кезеңнен сүрінбей өткен «Жұбановшылар» командасы қарсыластарынан басымдық танытты. Ақтөбе облысына белгілі қоғам қайраткерлері, ақын, жазушылар, …

2024 жылдың 15-17 қазан аралығында Батыс Қазақстан жоғары оқу орындары арасында Ұлттық студенттер лигасына іріктеу өтті. Ақтау, Атырау, Орал, Ақтөбе қалаларындағы жоғары оқу орындары командалары арасында Жұбанов университетінің «Zhubanov Team» футбол командасы чемпион атанып, бірінші орын иеленді. Сондай-ақ Астана қаласында өтетін Ұлттық студенттер лигасына жолдама алды. Спортшыларымызды жеңісімен құттықтап, сәттілік тілейміз!

2024 жылдың 16-17 қазан аралығында Өскемен қаласында өткен «Болашақ табысты ұстаз – ұлт кепілі» атты «Пәндік мамандандырылмаған мұғалімдерді даярлау» бағыты бойынша ХV Республикалық пәндік олимпиадасында Жұбанов университетінің «Бастауышта оқыту педагогикасы және әдістемесі» білім бағдарламасының студенттерінен құралған команда жүлделі екінші орынды иеленді. Олимпиада Сәрсен Аманжолов атындағы Шығыс Қазақстан университеті базасында өтті. Команда жетекшісі: Әлия Сугуралиева, аға оқытушы Команда құрамы: Әділет Нағашыбаев, Рифат Әбдібаев, Дилназ Сеитмагулова, Келбет Қожахмет. Дарынды студенттерді жетістігімен құттықтаймыз!