09/10/2024
Шетелдік ғалым тәжірибесімен бөлісті
Жұбанов университетінің кәсіби-шығармашылық факультетінің білім алушыларына Қазан Федералдық университетінің «Ұлттық өнер дизайны» кафедрасының доценті, педагогика ғылымдарының кандидаты Клара Караманова дәріс өткізуде. Екі аптаға жуық уақытқа созылатын іссапары барысында шетелдік ғалым бейнелеу өнері саласындағы тәжірибесімен бөліседі.
Бүгін Клара Караманованың қатысуымен семинар өтті. Онда ғалым контекстегі қатынас, кескіндемедегі композициялық ойлауды зерттеу процесіндегі мәселелер жөнінде талқылады.
- Жылы қабылдауларыңыз үшін университет басшылығына және факультет ұжымына ризашылығымды білдіремін. Бұл семинар сіздер үшін де, мен үшін тәжірибе алмасу алаңы болатынына сенемін. Алдағы уақытта шеберлік және тәжірибелік сабақтар өткізуді жоспарлап отырмыз, - деді ол.
Клара Караманованың ғылыми қызметінің негізгі бағыты – болашақ мамандарды дайындауда студенттердің шығармашылық қабілеттерін дамыту және өзін-өзі жүзеге асыру саласындағы зерттеулер. Ресейлік және шетелдік басылымдарда жарияланған 70-тен астам ғылыми мақаланың ( Scopus & Web of Science), 6 әдістемелік құралдың авторы.