16/10/2024
Жұбанов университетінде жаппай диктант өтті
Бүгін Жұбанов университетінде қазақ тіл білімінің негізін қалауға айрықша үлес қосқан қоғам қайраткері, аса көрнекті тілші-ғалым, профессор Құдайберген Қуанұлы Жұбановтың туғанына 125 жыл толуына орай оқу орнының оқытушылары мен қызметкерлері және білім алушылары «Мемлекет және қоғам қайраткері» тақырыбында жаппай диктант жазды.
Сондай-ақ, шараға Ақтөбе облысындағы білім беру мекемелері, зиялы қауым өкілдері, мектеп мұғалімдері мен оқушылар, түрлі серіктес мекемелер мен ұйымдар да атсалысты.
Іс-шараның мақсаты – Құдайберген Жұбановтың қоғам қайраткері ретіндегі бейнесін ашу.
Диктант қатысушыларға қазақ филологиясының тұңғыш профессоры Құдайберген Жұбановтың қоғам қайраткері ретінде атқарған қызметтерімен және ғылыми мұрасымен кеңінен танысуға мүмкіндік берді.
Айта кетейік, диктант қазақ, орыс және ағылшын тілдерінде өткізілді.