Жұбанов университетінде бизнес инкубатор бағдарламасы іске қосылды

Жұбанов университетінде бизнес инкубатор бағдарламасы іске қосылды

Жұбанов университетінде қызметкерлер мен өңірлік кәсіпкерлер үшін «Инновациялық стратегиялар және академиялық ортада бизнес дағдыларын дамыту» тақырыбында бизнес инкубатор бағдарламасы жүзеге асты.

Қызметкерлердің кәсіпкерлік құзыретін арттыру, бизнес өкілдерімен өзара тәжірибе алмасу арқылы қызметкерлердің қолданбалы жобаларын әзірлеуге арналған іс-шара бір апта көлемінде өткізіледі. 

Спикерлер жобада өзекті жеті бағыт бойынша тәжірибесімен бөліседі. Атап айтсақ, аталған шарада күйзеліссіз бизнес, эмоциялар мен мазасыздықты басқару, бизнесті тұрақты дамыту үшін ESG өзектілігі, команда құру, EQ-эмоционалды интеллект, бизнес-консалтинг және бизнес негіздері, жобаларды қалай жасауға болады және ғылымды коммерцияландыру жобаларын қаржыландыру тетіктері туралы талқыланады. 

Айта кетейік, Жұбанов университетінде «Ғылымды коммерцияландыру: Ғылым. Бизнес. Интеграция» тақырыбында ауқымды форум өткен болатын. Бұл іс-шара жиында қамтылған ғылым мен бизнес саласындағы инновациялық бастамаларды негіздеу шеңберінде жүзеге асуда.