13/11/2024
Zhubanov university-де мультимедиялық лингафон кабинеті жабдықталды
Жұбанов университетінде мультимедиялық лингафон кабинетінің ашылу салтанаты өтті. Ашылу салтанатына Ақтөбедегі ҚХР Бас консулдығының бірінші басшысы Го Юй, Шаньси провинциясы Люйлян қаласының «Jiu jiu Aixin» қоғамдық қауымдастығының төрағасы Чжан Аньцай бастаған делегация қатысты.
Университет ректоры Лаура Қарабасова Жұбанов университетінің Қытай жоғары оқу орындарымен әріптестігі жылдан жылға түрлі бағытта жаңа деңгейге толығып отырғанын атап өтті. Әсіресе, Конфуций институтымен байланыс терең екенін, осы әріптестіктің нәтижесінде оқу орнында студенттерге қытай тілін үйрету курстары жоғары дәрежеде ұйымдастырылатын айтты.
Айта кетейік, кабинетті жабдықтауға ҚХР Люйлян қаласының «Jiu jiu Aixin» қоғамдық қауымдастығы демеушілік етті.Қоғамдастық төрағасы Чжан Аньцай бұл кабинет студенттерге қытай тілін және өзге де шетел тілдерін меңгеруде қолайлы жағдай туғызатынына сенім білдірді.
Өз кезегінде консул Го Юй мырза батыс өңіріндегі жетекші университет Жұбанов университетімен Қытай жоғары оқу орындарымен ғылыми және мәдени байланыстарды және ынтымақтастықты нығайтуда қолдау танытуға дайын екенін жеткізді.
Мультимедиялық кабинет моноблок, құлаққап, панель тағы басқа заманауи оқу құралдарымен жабдықталған. Арнайы Linco бағдарламасы мультимедиялық интерактивті оқытуды басқару платформасы ретінде әрекет ете отырып, оқытушыға сыныпты тиімді басқаруға, ал студенттерге бірлесіп жұмыс істеуге мүмкіндіктер береді.