27/12/2024
Zhubanov university ғалымдары ғылым саласындағы сыйлықтар мен мемлекеттік ғылыми стипендияларының иегері болды
Жұбанов университетінің 4 оқытушысы Қазақстан Республикасы Ғылым және жоғары білім министрлігінің 2024 жылға арналған ғылым саласындағы сыйлықтарға және мемлекеттік ғылыми стипендияларға үміткерлерді іріктеу конкурсында жеңімпаз атанды.
Атап айтсақ, гуманитарлық бағыттағы жас ғалымдарға арналған М. Әуезов атындағы сыйлықтың иегері — Гүльжана Кузембаева, «Ағылшын және неміс тілдері» кафедрасының доценті, PhD, қауымдастырылған профессор.
Ғылыми стипендияның иегері — Күлзат Садирова, «Теориялық және қолданбалы тіл білімі» кафедрасы, профессор, филология ғылымдарының докторы.
Жас ғалымдарға арналған стипендиялардың иегерлері:
• Арман Исимов, «Биология» кафедрасының доценті, PhD.
• Асхат Мыңбай, «Биология» кафедрасының доценті, PhD.
Айта кетейік, үміткерлерді іріктеу Қазақстан Республикасы Президенті жанындағы Қазақстан Республикасы Ұлттық ғылым академиясымен жүргізілді. Конкурстық комиссия өтінімдер нәтижесінде ғылым саласындағы сыйлықтарды тағайындауға 6 жұмысты, ал мемлекеттік ғылыми стипендияларды тағайындауға 75 үміткерді, соның ішінде дарынды жас ғалымдарға арналған 50 стипендияны ұсынды.
Конкурстық комиссияның шешімімен стипендиялар ғылыми бағыттар бойынша жеке рейтингтік тізімдер негізінде тағайындалды.
Жұбанов университетінің ғалымдарын жоғары марапаттарымен құттықтап, ғылыми және педагогикалық қызметтерінде табыс пен жетістіктер тілейміз!