25/11/2024
Жұбанов университетінде білім бағдарламалары аккредиттеуден өтуде
25-27 қараша аралығында Жұбанов университетінде 9 білім бағдарламасы Қазақстан Республикасының Аккредиттеу және рейтингтің тәуелсіз агенттігі (АРТА) тарапынан мамандандырылған аккредиттеу рәсімінен өтуде.
Бұл рәсім университеттің білім беру қызметтерінің сапасын жақсартуға, сондай-ақ ұлттық және халықаралық деңгейдегі бәсекеге қабілеттілігін арттыруға мүмкіндік береді. Агенттік тарапынан тартылған отандық және шетелдік сарапшылар тобы бағдарламаларды жан-жақты талдауды қамтамасыз етеді.
Аккредиттеуден өткен бағдарламалар жоғары білім беру нарығында «сенімді» деп танылып, түлектер тарапынан сұраныстың артуына ықпал етеді.
Аккредиттеу рәсімінен өтетін бағдарламаларды атап өтсек, 6B07203 – Металлургия, 6B11301 – Көлікті пайдалану және жүк қозғалысы мен тасымалдауды ұйымдастыру, 6B02304 – Филология: қазақ филологиясы, 6B05302 – Химия, 7M07203 – Металлургия, 7M02304 – Филология, 7M01105 – Педагогикалық өлшемдер, 7M07102 – Органикалық заттардың химиялық технологиясы, 7M01401 – Музыкалық білім.