29/11/2024
Zhubanov university-де музей түні өтті
Құдайберген Жұбановтың 125 жылдығына арналған «Жұбанов жолы» музей түні Жұбанов университетінде ерекше форматта ұйымдастырылды. Бұл кеш ғалымның өмірі мен мұрасын ұлықтауға, оның ғылым мен мәдениеттегі рөлін тереңірек тануға бағытталды.
Іс-шараның маңызды бөлігі – Құдайберген Жұбановтың өмірінің қиын-қыстау сәттерін бейнелейтін сахналық қойылымдар болды. Қатысушылар «Репрессия құрбандары әйелдерінің зары», «Бесеудің хаты» және «Қ. Жұбановтың тұтқындалуы» атты әсерлі қойылымдарды тамашалап, сол кезеңнің тарихи трагедиясын жан-жақты сезіне алды.
Сонымен қатар, кеш қонақтарына университет мұражайын аралау мүмкіндігі ұсынылды. Мұражайда ғалымның өмірі, ғылыми зерттеулері және қазақ мәдениетін дамытуға қосқан елеулі үлесі туралы тың деректермен танысуға жағдай жасалды. Шара ұлттық мұраға құрмет пен тарихты жаңғыртудың жарқын үлгісі болды.