17/01/2025
Хериот-Уотт университетінің Ақтөбе кампусында Ашық есік күні өтті
Бүгін Хериот-Уотт университетінің Ақтөбе кампусында Ашық есік күні ұйымдастырылды. Бұл іс-шараға қаламыздың мектептерінен 100-ден астам оқушы қатысты.
Оқушылар кампусты аралап, университетке оқуға түсу шарттары, қабылдау талаптары және ұсынылатын мамандықтар туралы маңызды ақпарат алды. Хериот-Уотт Ақтөбе кампусының аға оқытушысы, PhD Әміре Жұмағазиев мамандықтар жөнінде арнайы презентация жасап, болашақ талапкерлерге пайдалы мәліметтермен бөлісті.
Сонымен қатар, шетелдік профессорлар: Professor Muhammad Arshad, Dr. Muhammad Salman Kigai, Neda Eghtesadi, Daniel Swanson және жергілікті оқытушылар Хериот-Уотт университеті мен оның кампустары, оқу барысы туралы айтып, оқушылардың сұрақтарына жауап берді.
Іс-шара барысында оқушылар грант алу шарттары, білім беру процесі туралы сұрақтар қойып, шетелдік профессорлармен танысу және сұхбаттасу мүмкіндігіне ие болды.