Ректордың Блогы

Қ.Жұбанов атындағы Ақтөбе өңірлік университеті – еліміздегі жоғары білім көшбасшыларының бірі. Университеттің тарихы бабаларымыздың жетістіктерін және білім мен ғылым саласындағы бай тәжірибесін өзінде жинақтаған. Жұбанов университеті – гуманитарлық және техникалық ғылымдарды үйлестірген, сондай-ақ ұлттық дәстүрлерге құрметпен қарайтын, қоғамға қызмет етуді мақсат тұтатын және жеке жетілуге ұмтылатын классикалық жоғары оқу орны. Бүгінгі таңда Жұбанов университеті жаңа деңгейге көтеріліп, еліміздің және өңіріміздің инновациялық өзгерістеріне қажетті адами капиталды қалыптастыруды басты мақсат етіп қойып отыр. Ақтөбе өңірін білікті мамандармен қамтамасыз ететін көп салалы классикалық университет екі жыл қатарынан Қазақстан Республикасының жоғары оқу орындарының жалпы рейтингінде 4-орын алды (Қазақстан Республикасы Тәуелсіз аккредитация және рейтинг агенттігі). Дамыған материалдық-техникалық база, тәжірибелі педагогтар, академиялық ұтқырлық бағдарламасы бойынша шетелдік оқу орындарында білім алу мүмкіндігі – осының бәрі жоғары деңгейдегі мамандар даярлау үшін мол мүмкіндіктер ашады, олар өз кезегінде Ақтөбе өңірін және бүкіл Қазақстанды дамытуға үлес қосатын болады. Алда жаңа мақсаттар күтіп тұр!