Орхун алмасу бағдарламасы

Түркі мемлекеттері ұйымы жанындағы Түркі университеттері одағы аясында Орхун академиялық алмасу бағдарламасы жұмысын атқарып жатыр. Бағдарламаның мақсаты түркітілдес елдердің жоғары білім беру жүйесін интеграциялау болып табылады. Бағдарлама Орхун бағдарламасы бойынша түркі университеттері одағына мүше жоғары оқу орындары арасында студенттер мен ПОҚ академиялық алмасуға мүмкіндік береді. Бағдарламаның үйлестірушісі Манас қырғыз-түрік университеті болып табылады.

Оқыту тілі: ағылшын және түрік.

Білім алушылардың ұтқырлық кезеңі: бір серіктес университетте бір семестр.

Оқытушылар құрамының ұтқырлық кезеңі: бір оқу жылы ішінде кемінде екі апта және ең көбі үш ай.

Өтінім беру үшін құжаттар:

Білім алушылар

  1. Student Information Form
  2. Транскрипт (GPA баллы 2.5/4.00 кем болмауы тиіс)
  3. Ағылшын немесе түрік тілдерін меңгергендігі туралы халықаралық сертификат.

Оқытушылар құрамы:

  1. Academic Staff Information Form
  2. Academic Staff Mobility Program
  3. Ағылшын немесе түрік тілдерін меңгергендігі туралы халықаралық сертификат
  4. Бар болса ағылшын тіліндегі жарияланымдар, жобалар, дәрістер мен семинарлар тізімі.

Құжаттардың үлгілерін http://www.turkunib.org/en/orhun сайтынан таба аласыздар немесе Халықаралық ынтымақтастық департаменті Сіздердің эл.пошталарыңызға жібере алады.

Бағдарламаға қатысу шарттары:

  • Білім алушылар оқу ақысын серіктес университетке төлемейді. Алайда оқу ақысын өзі түскен университетте төлеуді жалғастырады (егер олар ақылы бөлімнің студенттері болса).
  • Өтінім берген кезінде тек бір университет пен бір семестр таңдау керек.
  • Барлық құжаттар компьютерде ағылшын/түрік тілдерінде толтырылуы тиіс.
  • Бірінші және соңғы курста/семестрде оқитын студенттер (бакалавриат пен магистратура бағдарламаларында) осы Орхун бағдарламасына ҚАТЫСУҒА БОЛМАЙДЫ.

Түркі кеңесі Түркі университеттері одағының (TURKUNIB) мүше университеттерінің тізімін мына сайттан табуға болады: http://turkunib.org/en/site/index/#member

 Орхун алмасу бағдарламасы туралы толық ақпарат немесе бағдарламасында қатысқысы келетін білім алушылар мен оқытушылар құрамы Халықаралық ынтымақтастық департаментінің international@zhubanov.edu.kz эл.поштасына жазуға болады немесе http://www.turkunib.org/en/orhun сайтынан алуға болады.