Жұбанов университеті мұражайы ұлағатты ұстаз, профессор Мұқтар Арынның бастамасымен 1989-1991 жылдар арасында құрылып, қалыптасты.
Мақсаты - Ақтөбе өңіріндегі білім беру жүйесінің дамуына қатысты құнды жазбалар мен сирек деректерді жинау болатын.
Бүгінде мұражай қорында 1000-ға жуық құжат: инвентарлық кестелер, тақырыптық каталогтар, ашық хаттар, көне оқулықтар, қолжазбалар, модельдер, түрлі жылдардағы фотокөшірмелер, архив материалдары бар.
Облысымызда оқу-ағарту саласындағы үздік еңбек еткен үлгілі ұстаздардың өмірі мен қызметтері жайында, педагогикалық институттың өткен жолдары, халық педагогика туралы, ардагерлер ұстаздардың өнегелі өмірлері,өрелі еңбектері, құнды жазбалары жинақталып, мұражай экспонаттарында жан-жақты орын алды.
Және де , өңірдегі ірі жоғары оқу орны – Жұбанов университетінің даму кезеңдерін сипаттайтын мәліметтер құрайды.