Дуалды білім беру

Қ.ЖҰБАНОВ атындағы АҚТӨБЕ ӨҢІРЛІК УНИВЕРСИТЕТІНДЕГІ ДУАЛДЫ ОҚЫТУ

Дуалды оқыту жүйесі – кәсіптік оқыту мақсатында бірлесіп әрекет ететін екі ұйымның: кәсіпорын мен ЖОО-ның өзара іс-қимылына негізделген оқыту жүйесі. Екі мекеме де бір-біріне қатысты тәуелсіз серіктестер болып табылады.

Дуалды оқыту қатысушылары:

• білім беру бағдарламаларын іске асыратын оқу орны;

• меншік нысанына қарасты ұйымдар (кәсіпорындар);

• оқушы - студент.

Дуалды оқыту элементтерінің міндетті компоненттері:

• Кафедра филиалдары туралы ереже;

• кафедра филиалдары туралы шарт;

• өндірістік (педагогикалық) практикадан өту туралы келісім шарт;

• практикалық/зертханалық сабақтардан өту орнын көрсете отырып, әзірленген сабақ кестесі;

• өндірістік оқыту мен кәсіптік практиканы іске асыру үшін жабдықталған ұйымдарда (кәсіпорындарда) оқу орнының және/немесе оқу өндірістік орталығының болуы;

Дуалды оқыту жүйесінің элементтерін енгізу кезінде студенттердің өндірістік практикасы одан әрі жұмысқа орналасу мақсатында кәсіпорынның (ұйымның) қалауы бойынша жалақымен қамтамасыз етілуі мүмкін.

ДУАЛЬДЫ ОҚЫТУ ЖҮЙЕСІН ЕНГІЗУДІҢ МАҚСАТЫ МЕН МІНДЕТТЕРІ

Дуалды оқыту элементтерін енгізудің мақсаты білім алушылардың мемлекеттік жалпыға міндетті білім беру стандартына сәйкес кәсіптік оқытудың негізгі бағдарламаларын сапалы меңгеруі, сондай-ақ олардың кәсіптік салада практикалық жұмыс дағдыларын меңгеруі болып табылады.

Келесі міндеттерді орындау кезінде мақсатқа қол жеткізуге болады:

• білім беру бағдарламаларын жүзеге асыру;

• Қ.Жұбанов атындағы Ақтөбе өңірлік университетінің түлектерін жұмысқа орналастырудың жоғары пайызын қамтамасыз ету;

• Қ.Жұбанов атындағы Ақтөбе өңірлік университеті мен жұмыс берушілердің өндірістік-білім беру кластерлерін қалыптастыру шеңберінде желілік өзара іс-қимыл тетіктерін құру:

- жұмыс берушілердің кадрлық әлеуеті мен материалдық-техникалық базасын пайдалана отырып, білім беру бағдарламалары мен жекелеген курстарды іске асыру;

- сабақтастықты, интеграцияланған кәсіптік білім беру бағдарламаларын іске асыру;

- университеттің оқу-зертханалық және оқу-өндірістік базаларын жаңғырту үшін жұмыс берушілерді тарту;

- білім алушыларды кәсіптік бағдарлау және түлектерді жұмысқа орналастыру бойынша жұмыстарды жүргізуде университет пен бизнес-қоғамдастықтардың өзара іс-қимылдарын үйлестіру бойынша ұсыныстар енгізу;

• студентке бағдарланған оқытуды күшейту, білім алушының өзіндік жұмысын жеделдету;

• Өндірісте заманауи инновациялық технологияларды қолдану есебінен оқыту сапасын арттыру.

ДУАЛЬДЫ ОҚЫТУ ЖҮЙЕСІНІҢ ЭЛЕМЕНТТЕРІН ҚОЛДАНА ОТЫРЫП ОҚУ ПРОЦЕСІН ҰЙЫМДАСТЫРУ

Дуальды оқыту элементтерін енгізе отырып, оқу процесін ұйымдастыру кафедра филиалдары және өндірістік практикадан өту туралы шарттарға сәйкес жүзеге асырылады.

Дуалды оқыту жүйесінің элементтері оқу және оқу-әдістемелік жұмыс жөніндегі проректор бекітетін оқу сабақтарының кестесінде де көрініс табады.

Дуалды оқыту элементтерін енгізу кезінде оқу процесі университеттегі теориялық сабақтарды қамтиды, ал зертханалық, практикалық сабақтар, кәсіптік практика, курстық және дипломдық жобалау өндірісте, тиісті бейіндегі ұйымдарда және кафедра филиалдарында жүзеге асырылады.

Өндірістік оқыту мен кәсіптік практиканың нысаны, мазмұны мен көлемі қолданыстағы модульдік білім беру бағдарламалары негізінде анықталады.

Университет дуальды оқыту жүйесінің элементтерін енгізу үшін теориялық оқытуды өндірістегі практикалық дайындықпен ұштастыру негізінде білім беру қызметін жоспарлау мен ұйымдастыруды жүзеге асырады.

Бұл ретте пәннің оқу материалының 40%-на дейін тікелей өндірісте меңгеруді қарастыру қажет (технологиялық процесс, шығармашылық қызмет процесі, қаржы-экономикалық процестер, психологиялық-педагогикалық процесс және басқалар).

Өндірісте оқу және кәсіптік практикадан өту кезеңінде білім алушыға кәсіптік практиканы өткізуге арналған Шарттың және кафедра филиалын ұйымдастыру туралы шарттың талаптары қолданылады.

Оқыту мен практикадан өту кезінде білім алушы білім беру бағдарламасының ерекшелігіне сәйкес белгілі бір тапсырмаларды орындайды.

ДУАЛЬДЫ ОҚЫТУ ЭЛЕМЕНТТЕРІН ҰЙЫМДАСТЫРУ ПРОЦЕСІНЕ ҚАТЫСУШЫЛАРДЫҢ ФУНКЦИЯЛАРЫ

Оқу орны:

• оқу үрдісіне қажетті жағдай жасайды;

• білім алушылардың практикалық сабақтарының кестесін ұйыммен (кәсіпорынмен) келіседі;

• ұйымның (кәсіпорынның) талаптарын ескере отырып, білім беру бағдарламаларын іске асырады;

• ұйымда (кәсіпорында) білім алушының практикалық сабақтарынан, практикасынан өтуіне мерзімді бақылау жүргізеді;

• студенттерді оқу-әдістемелік материалдармен және бағдарламалармен қамтамасыз етеді;

• студенттердің сабақ кестесіне сәйкес зертханалық, практикалық сабақтарға және академиялық күнтізбеге сәйкес кәсіби тәжірибелерге келуін қамтамасыз етеді.

Ұйым (кәсіпорн):

• практикалық сабақтарды, кәсіби практикаларды өткізу үшін жағдайларды қамтамасыз етеді;

• материалдық-техникалық базамен таныстырады;

• жұмыс жағдайымен, осы саланы реттейтін нормативтік құқықтық актілермен, еңбек қауіпсіздігі және еңбекті қорғау жағдайларымен таныстырады;

• білім беру бағдарламаларына сәйкес практикалық сабақтар мен кәсіптік практиканы өткізуді ұйымдастыруды қамтамасыз етеді;

• кәсіптік практикаға басшылық жасау үшін білікті мамандар ұсынуды қамтамасыз етеді;

• еңбек тәртібін және ішкі тәртіп ережелерін бұзудың барлық жағдайлары туралы университетке хабарлайды.

Білім алушы:

• ұйымның (кәсіпорынның) шарттарымен, осы саланы реттейтін нормативтік құқықтық актілермен, еңбек қауіпсіздігі және еңбекті қорғау шарттарымен танысады;

• оқу және өндірістік тәртіпті, ішкі еңбек тәртібі ережелерін, еңбекті қорғау және қауіпсіздік техникасы талаптарын сақтайды;

• кестеге сәйкес практикалық, зертханалық сабақтарға қатысады;

• практика бағдарламасының талаптарын қатаң сақтайды және орындайды;

өндірістік оқыту мен кәсіптік практикадан өту туралы күнделік жүргізеді, есеп дайындайды.