Жазғы семестрді ұйымдастыру

Жазғы семестр жазғы уақытта академиялық мүмкіндіктерді пайдалану мақсатында ерікті түрде білім алушының өтініші негізінде ұйымдастырылады.

Жазғы семестр академиялық қарызы немесе пән айырмашылығына байланысты курстан курсқа көшу үшін тиісті кредит санын ала алмаған студенттерге ақылы негізде ұйымдастырылады.

Келесі студенттер жазғы семестрден өтуге құқылы:

Жазғы семестрдің ұзақтығы 6 аптадан кем болмауы керек. Студенттерге жазғы семестр туралы ақпарат ағымдағы оқу жылының сәуір айында жеткізіледі. Белгіленген тарифке сәйкес оқу ақысын төлеген студенттер жазғы семестрге тіркелуге жіберіледі.

Жазғы семестр үшін төлемақы төлеу уақыты ағымдағы жылдың 3-31 мамыр аралығы, төлемеген жағдайда, білім алушы оқуға жіберілмейді.

Жазғы семестрге қатысу шарты

Рейтинг қорытындысы бойынша емтиханға жіберілмеген студенттер жазғы семестрге қатыса алады.

Емтиханнан «қанағаттанарлықсыз» баға алған студенттер.

Жеке оқу жоспарындағы оқу пәндері бойынша академиялық қарызы барлар.

Толық көлемде курс бағдарламасынан өткен, өту балының жинай алмаған білім алушыларға өзінің орташа үлгерім балын (GPA) жоғарылатуы үшін жазғы семестрде белгілі бір пәндерді (мемлекеттік емтихан тапсырылатын "Қазақстан тарихы" пәнінен басқа) қайта оқуына және сол пәндерден қайта емтихан тапсыруына мүмкіндік беріледі.

Ауысу, қайта қабылдау, академиялық демалыстан оралу барысында оқу жоспары бойынша шыққан пән айырмашылықтары бар студенттер.

Академиялық рейтингісін көтеруге ниет білдіргендер, және де қосымша білім бағдарламаларын игеруге ниет білдіргендер.

Жазғы семестрге тіркеу тәртібі

Студенттер жазғы семестрге қатысу туралы өтініш жазады.

Оқу пәндеріне тіркелуді Тіркеу офисі жүргізеді.

Жазғы емтихан сессия аяқталғаннан кейін Тіркеу офисі жазғы семестрге қатысушылардың қызметтік хатын дайындайды. Қызметтік хат негізінде бұйрық шығады.

Деканаттар тіркеу офисімен бірлесіп жазғы семестрдің кестесін құрастырады және оны оқу ісі жөніндегі проректоры бекітеді.

Сабақ кестесі жазғы семестрде сабақ беретін оқытушылардың бос уақыты есепке алына отырып құрылады.

Білім алушылардың білімін бағалау

Жазғы семестрде оқу жетістіктерін бақылаудың барлық түрлері қолданылады: ағымдық, межелік, аралық бақылау ауызшы, жазбаша немесе тест түрінде.

Білім алушылардың оқудағы жетістіктерін бақылаудың барлық түрлері бойынша білімді бағалаудың әріптік балдық-рейтингтік жүйесі арқылы бағаланады.

Жазғы семестрде алған бағалары «Univer» АПК-нің транскриптеріне енгізіледі.

Жазғы семестрде мамандықтардың оқу жоспарларындағы игерілген пәндердің емтихан нәтижелері ағымдағы оқу жылында курстың өтпелі баллды (GPA) есептеу кезінде ескеріледі.