Қажетті құжаттар

Білім беру ұйымдарына қабылдау жөніндегі құжаттар:

1. Білім беру ұйымдарына қабылдау жөніндегі арызға талапкер білімін растайтын құжатты қосымша ұсынады;

2. № 086-У формасындағы медициналық анықтамасы қосымша флюорография суретімен (І және ІІ топтағы мүгедектер мен бала кезден бергі мүгедектер үшін медико-әлеуметтік сараптама қорытындысы);

3. 3х4 өлшемді фотокарталар (4 дана);

4. Талапкердің жеке басын куәландыратын құжаттар жеке өзінің, ата-анасының немесе заңды өкілінің ұсынуымен.

Шетелдіктер мен азаматтығы жоқ тұлғалар тұрғылықты жері бойынша тіркелгені жөніндегі статусын анықтайтын құжаттар тапсырады:

- шетелдік — шетелдіктің Қазақстан Республикасында тұру ықтиярхаты;

- азаматтығы жоқ тұлға — азаматтығы жоқ тұлғаның куәлігі;

- босқын — босқын куәлігі;

- баспана іздеуші тұлға — баспана іздеуші тұлғаның куәлігі;

- оралман — оралман куәлігі.

Талапкерлерден түскен арыз білім беру ұйымдарының оқу түрі бойынша тіркеу журналдарына тіркеледі.