12/06/2026
ЖАСАНДЫ ИНТЕЛЛЕКТ ТЕХНОЛОГИЯЛАРЫН ТИІМДІ ҚОЛДАНУ ТӘЖІРИБЕСІ
Профессор-оқытушылар құрамының оқытушылық, ғылыми-зерттеу және академиялық қызметінде жасанды интеллект технологияларын тиімді қолдану құзыреттерін дамытуға арналған жазғы мектеп өз жұмысын сәтті аяқтады.
Бағдарлама шеңберінде университеттің 50 оқытушысы жасанды интеллект негізіндегі заманауи цифрлық құралдардың функционалдық мүмкіндіктерін жан-жақты меңгеріп, оларды білім беру және ғылыми қызметтің түрлі бағыттарында қолданудың практикалық тәсілдерін игерді. Атап айтқанда, қатысушылар оқу-әдістемелік кешендерді әзірлеу, білім беру контентін генерациялау, академиялық мәтіндерді дайындау мен редакциялау, деректерді өңдеу және талдау, сондай-ақ зерттеу нәтижелерін визуализациялау бағыттарында жасанды интеллект құралдарын пайдаланудың заманауи әдістерімен танысты.
Оқу барысында тыңдаушылар жоғары білім беру жүйесін цифрлық трансформациялау жағдайында жасанды интеллект технологияларын білім беру үдерісіне интеграциялаудың ғылыми-әдіснамалық негіздерін қарастырды. Сонымен қатар генеративті жасанды интеллект құралдарын академиялық ортада қолданудың құқықтық және этикалық аспектілері, академиялық адалдық қағидаттарын сақтау тетіктері, ғылыми жарияланымдардың сапасын арттыру, зерттеу қызметінің өнімділігін күшейту және деректерге негізделген шешім қабылдау мәселелері кеңінен талқыланды.
Жазғы мектептің нәтижелері профессор-оқытушылар құрамының жасанды интеллект технологияларын жауапты әрі тиімді пайдалану мәдениетін қалыптастыруға, цифрлық академиялық ортада жұмыс істеу құзыреттерін дамытуға және білім беру мен ғылыми-зерттеу қызметінің сапасын арттыруға бағытталған маңызды қадам болды.