Ректордың сөзі

Құрметті достар!

Қ.Жұбанов атындағы Ақтөбе өңірлік университетіне қош келдіңіздер!

Қ.Жұбанов атындағы Ақтөбе өңірлік университеті – еліміздегі жоғары білім беру жүйесінде өзіндік орны бар, уақыт талабына сай бәсекеге қабілетті білікті мамандар даярлайтын оқу орны.

Университет елімізде және өңірде инновациялық өзгерістерді жүзеге асыратын адами капитал қалыптастыру мақсатында қарқынды даму үстінде. Ақтөбе өңірі агломерациясына сұранысы жоғары мамандар даярлау, әлеуметтік-мәдени қызмет көрсету, қазақстандық патриотизм рухында тәрбиеленген азамат қалыптастыру бағытында еңбек етуде. Білім алушылардың сапалық құрамы да жылдан жылға жақсаруда. Бүгінгі таңда олардың контингентін республиканың әр өңірінен және шет елдерден келген 15 мыңға жуық жас құрайды.

Университеттің материалдық-техникалық базасы, оқу-әдістемелік ресурстары оқу-тәрбие ісін, ғылыми-зерттеу жұмыстарын кеңінен өрістетуге жетерлік мүмкіндік беріп отыр. Бұл әсіресе, ғылыми зертханаларды заманауи құрылғылармен жабдықтау, университет қызметінің барлық салаларын цифрландыруға жол ашады.

Алдымызда сан-салалы қызметімізді әлемдік білім беру стандарттарына сәйкестендіріп, озық университеттер қатарына ену, өңіріміздің қажетті мамандарға деген сұранысын өтеу секілді асқар асулар күтіп тұр.

Сіздердің тараптарыңыздан қойылған әрбір сауал мен ұсыныс – басты назарымызда!