Ішкі академиялық ұтқырлық

Ішкі академиялық ұтқырлық – студенттерді немесе оқытушы-зерттеушілерді белгілі бір академиялық кезеңге басқа оқу немесе ғылыми мекемеге ҚР-да оқуға, зерттеуге ауыстыру. Ішкі академиялық ұтқырлықты жүзеге асыру Болон декларациясының негізгі ережелеріне сәйкес келеді. Академиялық ұтқырлықты жүзеге асыру ережелері мен рәсімдері студенттерге, магистранттарға және докторанттарға, сондай-ақ университет оқытушылары мен қызметкерлеріне қолданылады.

Шығыс ішкі академиялық ұтқырлық – студенттердің, магистранттардың, докторанттар мен оқытушылардың қазақстандық жоғары оқу орындары мен ғылыми орталықтарда білім беру бағдарламаларын игеруі және жүзеге асыруы.

Кіріс ішкі академиялық ұтқырлық – біздің университетте қазақстандық жоғары оқу орындары студенттерінің, магистранттарының, докторанттарының және оқытушыларының білім беру бағдарламаларын игеруі және жүзеге асыруы.

Білім алушылар мен оқытушылардың шығыс және кіріс ішкі академиялық ұтқырлығы ЖОО-ның әріптеспен академиялық ұтқырлық шеңберінде келісім-шарт болған жағдайда Қазақстан Республикасы көлемінде жүзеге асырылады.

Қ. Жұбанов атындағы Ақтөбе өңірлік университетінің ішкі академиялық ұтқырлық мәселелеріне Білім бағдарламаларын бағалау орталығы жетекшілік етеді. Академиялық ұтқырлық бағдарламаларына қатысатын студенттер мен оқытушылар сапалы білім беру мен зерттеу бағдарламаларына қол жеткізе алады және білімнің жаңа қорын жинақтайды.

Қ. Жұбанов атындағы Ақтөбе өңірлік университетінде ішкі академиялық ұтқырлық қызметін ұйымдастыру және іске асыру студенттер мен профессор-оқыцтушылар құрамы үшін білім беру сапасын жоғарылатуға бағытталған Қазақстандағы басқа жоғары оқу орындарымен келісімшарттар жасалды.

Қ. Жұбанов атындағы АӨУ координаторының байланыс номері
+77013427816; 8 (7132) 56-36-49 Саркулова Ж.Ж.

Студенттер конкурстық іріктеу негізінде ҚР басқа жоғары оқу орындарына жіберіледі. Конкурстық комиссия факультетте ұйымдастырылады.

КОНКУРСТЫҚ ІРІКТЕУДІҢ НЕГІЗГІ КРИТЕРИЙЛЕРІ

• жоғары деңгей (GPA),

• академиялық кезеңнің соңындағы академиялық көрсеткіштер;

• академиялық қарыздың болмауы;

• академиялық тәртіп пен этикалық нормаларды бұзудың болмауы;

• университеттің ғылыми және қоғамдық өміріне белсенді қатысу;

Егер сізде жоғарыда аталған барлық критерийлер болса, онда сіз академиялық ұтқырлық конкурсына қатыса аласыз.

Ол үшін сізге қажет:

а) топ кураторымен байланысу;

б) топ кураторлары студенттің өтінішін факультеттің жауапты үйлестірушісіне тапсырады;

в) факультетте ішкі академиялық ұтқырлық бағдарламасына қатысуға үміткерлерді іріктеу бойынша конкурстық комиссия ұйымдастырылады. Конкурстық комиссия студенттерді тиісті критерийлер бойынша іріктейді;

г) студенттердің ұсынылған тізімі ЖОО-ның жауапты үйлестірушісіне беріледі.

ІШКІ АКАДЕМИЯЛЫҚ ҰТҚЫРЛЫҚ БАҒДАРЛАМАСЫ БОЙЫНША ТАПСЫРЫЛАТЫН ҚҰЖАТТАР ТІЗІМІ

1. Форма бойынша өтініш

2. Қабылдайтын ЖОО жеке оқу жоспары

3. Жіберетін ЖОО жеке оқу жоспары

4. Студенттің жеке оқу жоспары

5. Ректордың атына өтініш

6. ЖОО бұйрығы

7. Кафедрадан ұсыныс хат

8. Оқу туралы келісім

9. Транскрипт

10. Құжаттар көшірмесі: жеке куәлік

11. Медициналық анықтама

12. Фото 3*4 – 6 дана

13. Оқу орнынан анықтама

14. Ата-анасынан қолхат

15. Іс папкасы, файл

КЕЛІСІМШАРТ ЖАСАЛҒАН ЖОҒАРҒЫ ОҚУ ОРЫНДАРЫНЫҢ ТІЗІМІ

1. Л. Гумилев атындағы Еуразия ұлттық университеті

2. Қазақ ұлттық аграрлық зерттеу университеті

3. Қазақ Ұлттық қыздар педагогикалық университеті

4. Абай атындағы Қазақ Ұлттық педагогикалық университеті

5. Қ. Сәтбаев атындағы Қазақ ұлттық техникалық университеті

6. Әл-Фараби атындағы Қазақ ұлттық университеті

7. Ы. Алтынсарин атындағы Арқалық педагогикалық институты

8. Х. Досмұхамедов атындағы Атырау университеті

9. С.Утебаев атынлағы Атырау мұнай және газ университеті

10. Д. Серікбаев атындағы Шығыс Қазақстан техникалық университеті

11. С. Аманжолов атындағы Шығыс Қазақстан техникалық университетіІ

12. І. Жансүгіров атындағы Жетісу университеті

13. Жәңгір хан атындағы Батыс Қазақстан аграрлық-техникалық университеті

14. М. Оспанов атындағы Батыс Қазақстан медицина университеті

15. М. Өтемісов атындағы Батыс Қазақстан университеті

16. Қарағанды техникалық университеті

17. Ш. Есенов атындағы Каспий мемлекеттік технологиялар және инжиниринг университеті

18. Ш. Уәлиханов атындағы Көкшетау университетi

19. Қостанай мемлекеттік педагогикалық университеттi

20. А. Байтұрсынов атындағы Қостанай мемлекеттік университеті

21. Қорқыт ата атындағы Қызылорда университеті

22. Павлодар мемлекеттік педагогикалық университеті

23. С. Торайғыров атындағы Павлодар мемлекеттік университеті

24. М. Қозыбаев атындағы Солтүстік Қазақстан мемлекеттік университеті.

25. Семей мемлекеттік педагогикалық институты

26. Шәкәрім атындағы Семей мемлекеттік университеті

27. Тараз мемлекеттік педагогикалық университеті

28. М.О. Әуезов атындағы Оңтүстік Қазақстан мемлекеттік университеті