Жалпы ақпарат

Кәсіпкерлікті және кәсіпкерлік ортаны дамыту бойынша жұмыс 2018 жылдың қаңтар айынан бастап Қ.Жұбанов атындағы АӨМУ-нің инновация мен кәсіпкерлікті дамыту орталығымен жүргізіліп келеді.

1

2018 жылдың қыркүйегінен бастап, Орталық құрылымында «Startup Академия» алаңы жұмыс істейді, онда стартаптар инкубациядан өтеді.

Қазіргі уақытта «BizARSU» инкубациялау бағдарламасы әзірленді. Осы бағдарлама құрамына инкубациялау, менторлық және трекерлік кіреді. Инкубацияға іріктеу «Startup Fair» бизнес идеялар байқауының форматында өткізіледі.

Startup Академияның мақсаттары:

аймақтағы ғылым мен өндіріс арасындағы ресурстармен, адамдар, идеялар және жабдықпен алмасуға қолайлы жағдай жасау;

университет пен жергілікті индустрия арасындағы байланысты нығайтуға жәрдемдесу;

студенттер мен жас оқытушылар жаңа кәсіптеріңің қалыптасуын және өсуін қамтамасыз ету;

студенттік және оқытушылық кәсіпкерлікті дамыту, жобаларды коммерцияландыру.

2

Қызметтері:

«BizARSU» инкубациялық бағдарламасы аясында жас кәсіпкерлерде бизнесін дамытуға қажетті практикалық іскерлік дағдыларды қалыптастыру;

жас кәсіпкерлерге экономикалық, қаржы, инвестициялық және салық қызметі мәселелері бойынша кеңес беру;

стартап-жобалар байкауы мен кейс-чемпионаттарды өткізу;

зертханалар негізінде тестілеу және прототиптік қызмет көрсету.

Стартап академияда келесі жобалар аясында жұмыстар жүргізіледі:

I. «Startup Bolashak – Менің Арманым» ұлттық стартап-жобалар байқауы

Төртінші жыл қатарынан республикада ұлттық «Startup Bolashak – Менің Арманым» стартап жобалар байқауы өтуде. Ақтөбе облысы бойынша екінші жыл қатарынан іріктеу кезеңің өткізетін базалық жоғары оқу орны Қ. Жұбанов атындағы Ақтөбе өңірлік мемлекеттік университеті болып табылады.

3

2018 жылы 9-11 наурызда өткізілген «Менің арманым» Республикалық стартап-жобалар байқауының іріктеу кезеңіне 825 өтінім түсіп, солардың 18-і ширек финалға өтті. Аталған жобалардың ішінен 12-сі университет стартаптары болды. Байқаудың жартылай финалына өткен 6 стартаптың 3-уі университеттікі болды. Финалға өткен 2 жобаның 1-і университет стартабы болды. Конкурстың қорытындысы бойынша финалға жаратылыстану факультеті «Биология» мамандығынің 2 курс студенті Нұрғалиева Жамиляның «Шырайгүл өсімдігін тиімді жолмен өсіру» жобасы өтті.

4

2019 жылы Ақтөбе облысы бойынша «Менің арманым» байқауының іріктеу кезеңі 26-28 сәуірде өтті. Барлығы 372 өтінім түсті. Ширек финалға облыстан 24 жоба өтті, солардың 15-і – университет стартаптары.

II. «Студенттік кәсіпкерліктің экожүйесі»

Жұбанов университеті үшінші жыл қатарынан Алматы менеджмент университетімен жүзеге асырылатын ERG компаниясының «Студентттік кәсіпкерліктің экожүйесі» жобасының қатысушысы болып табылады.

5

2018 жылы «Студенттік кәсіпкерлік экожүйесі» жобасына жалпы 369 оқытушы, университет қызметкерлері және студенттері қатысты, 6 стартап бастама алды, соның ішінде «Копирка» жобасы университетімізде қызметін көрсетуде. Жобаның шеңберінде кәсіпкерлік сананы қалыптастыратын 7 ірі өңірлік және ұлттық шара ұйымдастырылды («Оқытуш-иннватор» 2 сәуір 2018 ж., «Кемел кәсіпкер» 18 мамыр 2018 ж., «Жобалық күн» 19 мамыр 2018 ж., «Big Ideas Camp» жазғы кәсіпкерлік лагерь, 19-26 тамыз 2018 ж., Өңірлік кәсіпкерлік уикенд, 22 қазан 2018 ж., Ұлттық MeetUp, 30 қараша – 1 желтоқсан 2018 ж.).

6

2019 жылы «Студенттік кәсіпкерлік экожүйесі» жобасы аясында 4 шара өткізілді: “Creative Spark” (28 наурыз 2019 ж.), «Кемел кәсіпкер» (19 сәуір 2019 ж.), “Project Day” (20 сәуір 2019 ж.) «EcosystemERG Fair & Tracathon» (20-21 сәуір 2019 ж.). 19-20 сәуірде өткен шаралар нәтижесінде 19 студент жазғы кәсіпкерлік лагерьге жолдама ұтып алды.

III. Университет әлеуметтiк кәсiпкерлiктi дамыту бағытында жұмыс жүргізілуде, оның нәтижесi әлеуметтiк стартаптар бойынша студенттердiң жұмысы болып табылады. 2018 жылдың мамыр айынан бастап республикада «Zhas Project» байқауы өткізілді, ол жастарды әлеуметтік-пайдалы жұмысқа тартуға бағытталған. Университеттен 11 өтініш тапсырылды, оның 6-сы жобаларын іске асыру үшін гранттар алған, алынған қаражат сомасы шамамен 7 миллион теңгені құрады.