26/11/2025
Жастар алаңы: ұлттық құндылықтар және қоғамдық жауапкершілік
Өңір жастары мен белсенділері ашық алаңда кездесті. Облыс басшысы, құқық қорғау органдарының қызметкерлері және білім, өнер, бизнес салалары мамандарының қатысуымен өткен кездесуде қоғамдағы бірлік, жауапкершілік және ұлттық құндылықтарды дәріптеу мәселелері талқыланды.
Кездесуде Heriot-Watt University 3-курс білім алушысы Аида Кадын “Бірлік және ынтымақ” тақырыбында сөз сөйлеп, біртұтастық пен келісімнің, ұлттық құндылықтарды насихаттаудың, қоғамға қызмет етудің маңызын атап өтті.
Аида білім алып жатқан Heriot-Watt Ақтөбе кампусы — өңірге халықаралық деңгейдегі инженерлік және IT-білімді енгізіп отырған техникалық бағыттағы жетекші оқу орны. Кампус қос диплом беру, шетелдік профессорлар дәрісі, Эдинбург және Малайзия кампустарында академиялық ұтқырлықпен білім алу мүмкіндігі, сондай-ақ өңірдің индустриясына бағытталған заманауи бағдарламаларымен ерекшеленеді.
Жиынға қатысқан облыс әкімі Асхат Шахаров ел тәуелсіздігінің құндылығы туралы айта отырып, жастарды қоғамдық бастамаларға белсенді атсалысуға шақырды. Шара барысында патриоттық тәрбие, еңбекқорлыққа баулу, құқықбұзушылықтардың алдын алу бағытындағы мәселелерге де назар аударылды.
Жастар алаңы олардың әлеуметтік жауапкершілігін арттырып, өңірдің қоғамдық өміріне белсенді қатысуына жаңа серпін берді.