ЖАС МАМАНДАР МЕН ФИЛОСОФИЯ ДОКТОРЛАРЫНЫҢ (PHD) ЖҰМЫСТЫ ӨТЕУ МІНДЕТІ

2025-26 ОҚУ ЖЫЛЫНЫҢ ТҮЛЕКТЕРІ ҮШІН

Грант немесе ауыл квотасы бойынша білім алған: СТУДЕНТТЕР / МАГИСТРАНТТАР / ДОКТОРАНТТАР

Құрметті білім алушылар!

Қазақстан Республикасының кейбір заңнамалық актілеріне соның ішінде білім беру, бойынша өзгерістер мен толықтырулар енгізу туралы 2025 жылғы 4 желтоқсандағы № 236-VIII ҚРЗ сәйкес «Білім туралы» Заңының 47-бабының 17-2 жұмыспен өтеу жөніндегі міндеттен босату жас мамандарды жеке-жеке бөлу жөніндегі комиссияның шешімімен мынадай санаттағы жас мамандар тармағына енгізілген өзгерістер мен толықтырылуларға байланысты, ЖОО түсіндіру жұмыстары жүргізілетінін хабарлаймыз.

Өзгерістер мен толықтырылулар:

47-баптың 17-2-тармағында:
3) резидентураға мемлекеттік білім беру тапсырысы негізінде, магистратураға, докторантураға түскен және оқуын аяқтаған адамдарға;
3-1) Шетелдік білім беру ұйымдарында резидентураға (ординатураға), магистратураға, аспирантураға, докторантураға түскен және оқуын аяқтаған адамдарға оқу кезеңінде жұмыспен өтеу бойынша кейінге қалдыру беріледі.
6) тармақшадағы "азаматтарға беріледі." деген сөздер "азаматтарға;" деген сөзбен ауыстырылып, мынадай мазмұндағы 7) және 8) тармақшалармен толықтырылған:
7) мүгедектігі бар баланы (мүгедектігі бар балаларды) тәрбиелеп отырған анаға немесе әкеге, бала асырап алушыға, қорғаншыға (қамқоршыға) тағайындалатын және төленетін мемлекеттік жәрдемақыны алушылар болып табылатын адамдарға;
8) бірінші топтағы мүгедектігі бар адамға күтім жасауды жүзеге асыратын мемлекеттік жәрдемақыны алушылар болып табылатын адамдарға беріледі."

Ескерту: (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі)

Қосымша ақпараттар алу үшін Telegram арнасына сілтеме. Жазылуды ұмытпаңыз!

  1. Білім - https://t.me/+xq2Tnll_NmU3ZWRi
  2. Ауыл квота білім - https://t.me/+NOS7e4UIXjxmYWFi
  3. Грант педагогикалық емес мамандықтар - https://t.me/+LkccKspgBXMxZWI6
  4. Ауыл квота педагогикалық емес мамандықтар - https://t.me/+Vi5q98Pr_4YxYmRi

Бұл Telegram-канал мемлекеттік тапсырыс (грант/ауыл квота) бойынша оқып жатқан студенттер мен түлектер үшін арнайы ашылды. Грантта білім алған түлектер Заң бойынша ЖОО-ны бітіргеннен кейін кемінде 3 жыл жұмыспен өтеуі тиіс. Бұл арналарда жұмыс өтеліміне қатысты ақпаратттар жарияланатын болады.

Ауылдық квота бойынша түскен студенттер ауылдық жерлерде 3 жыл келесі мамандықтар бойынша жұмыс істейді:

  • Педагогикалық мамандықтар бойынша білім алушылар-білім беру ұйымдарында (мектеп, балабақша, бөбекжай және т. б.) жұмыс істейді.

ТӨМЕНДЕГІ АҚПАРАТ ЖАЛПЫ КОНКУРС БОЙЫНША ОҚУҒА ТҮСКЕН СТУДЕНТТЕР ҮШІН:

Міндетті 3 жылдық еңбек өтілімі грант негізінде оқу бітірген келесі түлектерге жүктелген:

  1. Педагогикалық мамандықтар бойынша тек қана білім беру мекемелерінде (мектептер, колледждер, жоғары оқу орындары, балабақшалар және т. б.) жұмыс істейді.
  2. Басқа мамандықтар бойынша (педагогикалық және медициналық мамандықтардан басқа) кез келген ұйымдарда жұмыс істейді.
  3. Жалпы конкурспен грантқа түскен студенттер ЖОО-ны бітіргеннен кейін Қазақстан Республикасының кез-келген қалаларында немесе ауылдарында жұмыс істей алады.

2026 жылдың Сәуір-Мамыр айларында мемлекеттік білім беру тапсырысы (грант/ауыл квота) бойынша оқыған түлектерге арналған жұмысты өтеу мәселелері бойынша консультациялар өткізілетін болады. Консультациялар өткізу уақыты мен орны қосымша хабарланатын болады.

Біздің байланыстар
1. Бакалавриат бойынша 
Email: career@zhubanov.edu.kz
тел.: +77471082965

2. Магистратура, докторантуры бойынша
Email: career@zhubanov.edu.kz
тел.: +77082921166