СҚКО бойынша ақпарат

Қ.Жұбанов атындағы Ақтөбе өңірлік университетінде 2017 жылдың 26 қыркүйегінен бастап студенттерге қызмет көрсету орталығы (СҚКО) білім алушыларға «бір терезе» қағидасы бойынша әкімшілік, оқу-ағартушылық және кеңес беру қызметтерін көрсетіп келеді. Орталық жемкорлыққа қарсы оқу процесіндегі ақпараттық ашықтықты дамыту, қызмет көрсетуді оңтайландыру, өзара сыйластық қарым-қатынас мәдениеті мен ортаны қалыптастыру мақсатында ашылған.

Темірқазық

Орталықта білім алушыларға қажетті құжаттар беріледі және қажетті қызмет түрлері көрсетіледі, 26 қызмет түрі SMART ARSU мобильдік қосымшасы арқылы онлайн беріледі. (сілтеме)

Орталықта электронды мемлекеттік қызметтерді алу үшін өзіне-өзі қызмет көрсету бұрышы жұмыс жасайды. egov.kz порталы арқылы мемлекеттік қызметтерді алуға қатысты білім алушылардан, қызметкерлерден сұрақтар туындаған жағдайда орталықтың мамандары кеңес береді.

Темірқазық

СҚКО-да студенттерді қабылдау электронды кезек арқылы жүзеге асады.
Қызмет көрсету уақыты – 5-10 минут (кейбір қызмет түрлеріне 1-30 жұмыс күні).
Орналасқан жері: Бас ғимарат, 1-қабат.
Жұмыс уақыты: 8:30-18:00
Демалыс: сенбі, жексенбі.