ҚҰТТЫҚТАЙМЫЗ

Филология ғылымдарының кандидаты, доцент Мұхтаров Сабыржан Сағидоллаұлы Қазақстан Республикасы Президенті Қасым-Жомарт Тоқаевтың Жарлығымен «Құрмет» орденімен марапатталды. Жоғары мемлекеттік марапат еліміздің идеологиялық және қоғамдық қызметіне қосқан үлесі үшін берілді. Марапатты Ақтөбе облысының әкімі салтанатты жағдайда табыстады. Университет ұжымы Сабыржан Сағидоллаұлын жоғары мемлекеттік наградасымен құттықтай отырып, ғылыми-педагогикалық және қоғамдық қызметіне табыс тілейді.

«2025 жылғы жоғары оқу орнының үздік оқытушысы» байқауының қорытындысы бойынша еліміздің 37 жоғары оқу орнынан 150 оқытушы жеңімпаз атанды. Байқауға Қазақстанның 89 жоғары оқу орнынан 502 үміткер қатысқан. Жеңімпаздар қатарында университетіміздің профессор-оқытушылар құрамынан 6 оқытушы бар. Атап айтқанда: Адманова Гүлнұр Болатовна – биология ғылымдарының кандидаты, қауымдастырылған профессор; Бекбауова Алтыншаш Упуовна – физика-математика ғылымдарының кандидаты, қауымдастырылған профессор; Жұмағалиев Ерлан Ұланович – техника ғылымдарының кандидаты, «Металлургия және тау-кен ісі» кафедрасының профессоры; Мынбаева …

Дәулет Төлемісов - бокстан ересектер арасындағы Қазақстан Республикасының жеңімпазы!  Оның жеңісі - Ақтөбе боксындағы маңызды жетістік. Ол тарих жаңартып, өңіріміздің атын 14 жылдан кейін қайтадан жеңіс тұғырынан көрсетті.  Дәулет - Қ.Жұбанов атындағы Ақтөбе өңірлік университетінің  “Дене шынықтыру және спорт” білім беру бағдарламасының 4-курс студенті.  Бұған дейін Дәулет сәуір айында Бразилияда өткен Әлем кубогында 85 келіге дейінгі салмақ дәрежесінде жұдырықтасып, алтын медаль иеленді.  Спортшымыздың әрдайым биіктен көрінуіне тілектеспіз!

Жұбанов университетінің түлегі Нұрқанат Әжіқанов чемпион атанды. Ол Өзбекстанның астанасы Ташкент қаласында өтіп жатқан каратэден Азия чемпионатында жеңіске жетіп, ұлттық құрама қоржынына кезекті алтын медалді түсірді. Финалда 75 келі салмақта Нұрқанат қарсыласы Иран елінің өкілі Мемати Мортезадан басым түсті. Құттықтаймыз!

Түркістан қаласындағы Халықаралық туризм және меймандостық университетінде Қазақстан Республикасының жоғары оқу орындары студенттері арасында өтіп жатқан XIII жазғы Универсиадада Жұбанов университетінің студенттері жүлделі орынға ие болды. Таеквондо спорт түрі бойынша кәсіби-шығармашылық факультетінің 3 курс студенті Жанель Асқарова мен 2 курс студенті Санжар Мырзахмет өз қарсыластарынан басым түсіп, бірінші орынды жеңіп алды. Жеңімпаз студенттерді Универсиададағы жетістіктерімен құттықтаймыз!

Түркістан қаласындағы Халықаралық туризм және меймандостық университетінде ҚР жоғары оқу орындарының студенттері арасында өтіп жатқан XIII жазғы Универсиадада Жұбанов университетінің ерлер құрамасы тоғызқұмалақтан командалық есепте бірінші орынды иеленді. Сондай-ақ, жекелей сында да университет спортшылары жоғары нәтиже көрсетті. Кәсіби-шығармашылық факультетінің дене шынықтыру мамандығының студенттері Диас Жанбау мен Қайрат Тұрарбек бірінші орынды, Алмас Тлегенов екінші орынды жеңіп алды. Спорттың 17 түрі бойынша ұйымдастырылған бұл ауқымды додаға еліміздің 76 жоғары оқу орнынан 4 …