«Қаржы» білім беру бағдарламасының 2026 жылғы түлегі Батыржан Сапарғали халықаралық «Болашақ» стипендиясының иегері атанды. Ол The University of Edinburgh университетінің MSc Finance and Investment магистратура бағдарламасында білімін жалғастырады. Батыржанның білім жолында сәттілік пен жаңа жетістіктер тілейміз!
Жұбанов университетінің Басқарма төрағасы – ректор Лаура Қарабасова «Әділет» партиясының республикалық квотасы бойынша Құрылтай депутаты болып сайланды. Бұл – университет қауымдастығы үшін қуанышты жаңалық. Сонымен бірге ғылым мен жоғары білім саласының мәселелерін елдік деңгейде көтеріп, кәсіби ортадағы ұсыныстарды заң шығару үдерісіне жеткізуге берілген үлкен жауапкершілік. Университет ұжымы Лаура Шапайқызын жаңа мәртебесімен құттықтап, Құрылтайдағы қызметіне табыс тілейді!
Амангелді Айталы – Жұбанов университетінің ғылымында өзіндік қолтаңбасын қалдырған көрнекті ғалым, философия ғылымдарының докторы, профессор, қоғам және мемлекет қайраткері. Оның ұлттық діл, қоғамдық сана мен қазақ қоғамының болмысына қатысты бұрын жарық көрмеген еңбектері «Ділтану» жинағы болып оқырманға жол тартты. Кітаптың алғашқы данасын Ақтөбе облысының әкімі Асхат Шахаров ғалымның жұбайы Гүлжан Сүйінбайқызына табыстады. Амангелді Әбдірахманұлының Жұбанов университетімен байланысы біз үшін айрықша. Университет кітапханасында ғалымға арналған арнайы бұрыш жасақталып, өзі пайдаланған жұмыс …
Жаңа оқу жылының алғашқы Ғылыми кеңес мәжілісінде күн тәртібіне сәйкес университеттің академиялық және ғылыми қызметінің негізгі бағыттарына қатысты бірқатар өзекті мәселелер қаралды. Жиынға Ғылыми кеңес мүшелері, құрылымдық бөлімше басшылары және жауапты қызметкерлер қатысты. Басқарма мүшесі, Академиялық мәселелер жөніндегі проректор Людмила Мясникова 2026 жылғы қабылдау науқанының қорытындыларына тоқталып, білім алушылар контингентін қалыптастыру нәтижелері бойынша ақпарат ұсынды. Сонымен қатар 2026–2027 оқу жылына арналған оқу жүктемесінің көлемі мен сағаттар саны, сондай-ақ кафедралардың штаттық …
Әрбір студент жаңа оқу жылын сенімді бастауы керек. Жаңа оқу жылы қарсаңында студенттерді жатақханамен қамтамасыз ету мәселесі ерекше назарда. Сондықтан QYZPU базасында студенттерді жатақханамен қамтамасыз ету жөніндегі Республикалық ахуалдық орталықтың жұмысын бастадық. Бұл орталық жатақханаға орналасу кезінде қиындыққа тап болған студенттерге жедел көмек көрсету үшін құрылды. Әсіресе басқа өңірден оқу қаласына келген және тұру мәселесін өз бетінше шеше алмаған студенттер тікелей хабарласа алады. 📞 +7 700 950 95 28 📞 …
Отандық тауар өндірушілерді қолдау – мемлекеттік саясаттың негізгі бағыттарының бірі. Мемлекет басшысы Қасым-Жомарт Тоқаевтың тапсырмасына сәйкес Үкімет ішкі өндірісті дамытуға, жаңа өнеркәсіптік кәсіпорындар құруға, қазақстандық қамту үлесін арттыруға және ел ішінде орнықты өндірістік тізбектер қалыптастыруға бағытталған шаралар кешенін жүзеге асырды. Бүгінгі таңда мемлекеттік қолдау жеңілдетілген қаржыландыру мен мемлекеттік сатып алудан бастап, ірі кәсіпорындарды отандық жеткізушілермен жұмыс істеуге ынталандыруға, өнеркәсіп кооперациясын дамытуға және қазақстандық өндірушілердің экспорттық әлеуетін кеңейтуге дейінгі бизнесті дамытудың …
17–21 шілде күндері Бангкок қаласында су спорты түрлерінен жас ерекшеліктері бойынша өткен XII Азия чемпионатында университет білім алушысы Мейіржан Кәдірәлі жоғары нәтиже көрсетіп, Азия чемпионы атанды. Мейіржан Кәдірәлі – физика-математика факультетінің 2-курс студенті. Чемпионат барысында ол Қазақстан ұлттық құрамасының сапында 4×100 метрлік эстафеталық жүзу сайысында өнер көрсетіп, команда құрамында алтын медальді жеңіп алды. Құттықтаймыз!
2026 жылғы 19 мамырда Мемлекет басшысы «Қазақстан Республикасының мемлекеттік қызметі туралы» жаңа Заңға қол қойды. Құжат 1 шілдеден бастап күшіне енді. Заңдағы жаңа өзгерістер 28-бабының 6-тармағы 5) тармақшасына сәйкес жоғары немесе жоғары оқу орнынан кейінгі білім беру бағдарламаларын GPA көрсеткіші 3,33-тен төмен емес нәтижемен аяқтаған түлектер оқуын тәмамдаған күннен бастап бір жыл ішінде мемлекеттік әкімшілік лауазымдарға конкурссыз орналаса алады. Бұл мүмкіндік енді тек мемлекеттік білім грантының иегерлеріне ғана емес, ақылы …
Қабылдау комиссиясы 13-20 шілде аралығында сағат 09:00-ден 18:00-ге дейін үзіліссіз жұмыс істейді. Құжат тапсыру үшін кезекке тұру электронды түрде жүзеге асырылады. Баршаңызға сәттілік!
Университет кітапханасына Еуропалық инновациялар альянсы (European Alliance for Innovation) ұйымдастырған халықаралық ғылыми конференция материалдары негізінде жарық көрген жаңа кітаптар табысталды. «Тұрақты когнитивті есептеулерге арналған үлкен деректер негізіндегі инновациялар» атты жинақтың редакторларының бірі – Heriot-Watt University Ақтөбе кампусының қауымдастырылған профессоры Арулмуруган Раму. Доктор Арулмуруган Раму осы халықаралық конференцияның нәтижесінде жарық көрген ғылыми жинақты екі жыл қатарынан редакциялаған. Бұл оның халықаралық ғылыми қауымдастықтағы жоғары кәсіби беделін көрсетеді. Университет кітапханасының қоры аталған жинақтың …
Профессор-оқытушылар құрамы мен қызметкерлердің шет тілдерін меңгеру құзыреттіліктерін арттыру жұмыстары аясында 2025-2026 оқу жылында 55 қатысушы ағылшын тілін меңгеріп, алты айлық оқу курсын табысты аяқтады. Ағылшын тілі курсы университетте 2022 жылдан бері жүйелі түрде жүзеге асырылып келеді. Төрт жыл ішінде осы курста халықаралық деңгейдегі CELTA және IELTS сертификаттарына ие кәсіби оқытушылардан білім алған 400-ден астам оқытушы мен қызметкер ағылшын тілі білімін жетілдірді. Аталған жұмыстың нәтижесінде 31 ғалым «Болашақ» бағдарламасы шеңберіндегі …
Университетте білім алу кезеңінде қоғамдық жұмыстарға белсенді қатысып, ғылыми-зерттеу қызметінде, спорт, мәдениет және өнер салаларында жоғары жетістіктерге қол жеткізген, сондай-ақ оқуын жоғары академиялық көрсеткіштермен аяқтаған студенттерге университеттің Түлектер қауымдастығына мүшелік карталары табысталды. Ректор Лаура Қарабасова жастардың кәсіби және тұлғалық қалыптасуындағы табандылық пен жауапкершіліктің маңызын атап өтіп, белсенді түлектердің алдағы жетістіктеріне сенім білдірді. Қауымдастық мүшесі атанған түлек университеттің арнайы жобалары мен бағдарламалары туралы ақпарат алуға, кәсіби байланыстар желісін кеңейтуге, альма матер …
