БАСТЫ БЕТ > КАФЕДРАНЫҢ ТАРИХЫ > КАФЕДРАНЫҢ ТАРИХЫ
календарь 20/04/2025

Орыс филологиясы және мәдениетаралық коммуникация кафедрасының тарихы – Қазақстанның Батыс өңіріндегі жетекші жоғары оқу орындарының бірі Қ. Жұбанов атындағы Ақтөбе өңірлік университетінің тарихының көрінісі. 1966 жылы құрылып, қайта құру кезеңдерінен өткен, классикалық гуманитарлық білімнің негізгі пәндерін қамтитын басқа кафедралармен біріктірілген бұл кафедра қазіргі уақытта жаңа ғылыми және кәсіби міндеттерді шешуге бағытталған академиялық сабақтастықтың үлгісі болып табылады.

1966 жылы алғашқылардың бірі болып орыс және шетел әдебиеті кафедрасы ашылды. Кафедра меңгерушісі ф.ғ.к. Смирнова В. Н. болды. Әр жылдары кафедраны ф.ғ.к.  Сулковский И. Я., п.ғ.к. Адорова Н.В., ф.ғ.к.  Зернюкова А. А., ф.ғ.к. Афанасьев Э. С., ф.ғ.к. Циммерман П. И. және ф.ғ.к. Уразаева К. Б. басқарды.

1966 жылы орыс тілі кафедрасы ұйымдастырылды. Кафедраның алғашқы меңгерушісі болып Ақтөбе педагогикалық институтының тұңғыш ректоры, филология ғылымдарының кандидаты, доцент Щетинин Павел Степанович болды. Әр жылдары кафедраны Кринова К.Т., Тегай Л. Е., Новоселова А. Н., ф.ғ.к. Жигарева Е. А. және ф.ғ.к. Карашулакова М. Ж. басқарды.

1983 жылы ұлттық мектептегі орыс тілі кафедрасы құрылды. Кафедраның алғашқы меңгерушісі п.ғ.к. Щербакова В. А., кейін орыс тілі кафедрасымен біріктірілгенге дейін кафедраны ф.ғ.к. Шаповалова А. Г. басқарды. 1991 жылдан бастап кафедра меңгерушісі ф.ғ.к. Аймағамбетова А.Ш. болды. Әр жылдары кафедраны п.ғ.к. Кашина Л.А., ф.ғ.к.  Унгарбаева Г.И., ф.ғ.к.  Свиридова И.И., п.ғ.к. Құздыбаева А.А., ф.ғ.к. Тасыбаева Г.М., ф.ғ.к.  Байшуқұрова Г.Ж., ф.ғ.к. Жуминова А.Б., ф.ғ.к. Идрисова Э.Т. басқарды. Қазіргі уақытта орыс филологиясы және мәдениетаралық коммуникация кафедрасын PhD Абдуллина Н.У. басқарады

Орыс тілі кафедрасы – 1970-жж.

Ұлттық мектептегі орыс тілі кафедрасы, 1980-жж.

Орыс тілі кафедрасы – 1996-ж.

Кафедраның профессорлық-оқытушылық құрамы

Бүгінде Орыс филологиясы және мәдениетаралық коммуникация кафедрасы – өзіндік ғылыми-әдістемелік орталық болып табылады, мұнда дайындықты жоғары білікті мамандар жүргізеді:

1 ғылым докторы, 3 PhD, 9 ғылым кандидаты (олардың 4-еуі – қауымдастырылған профессорлар).

Кафедра келесі бағыттар бойынша мамандар даярлайды:

Бакалавриат:

  • 6В01702 – «Орыс тілі мен әдебиеті»;

Магистратура:

  • 7М01704 – «Орыс тілінде оқытпайтын мектептердегі орыс тілі мен әдебиеті»;

Докторантура:

  • 8D02304 – «Филология».